ESSENCE MATT MATT MATT ruževi-02 Perfect Match i 07 Perfect Power

matt matters! lagana kremasta tekstura novog asortimana ruževa ujedinjuje visoku disperziju boje s mat završetkom.

Moram priznati da je Essence kao brend postao dobra konkurencija ostalim brendovima u našim drogerijama. Super mi je to što često izbacuju nove proizvode, kako u sklopu limitiranih kolekcija, tako i u standardnoj postavi. I kvalitet im je bolji čini mi se, mada se uvijek nadje i koji promašaj. Medjutim to nije slučaj sa ruževima o kojima danas pišem, a koje sam dobila iz firme Ovnak, u svrhu recenzije. Matt matt matt sjajila, s druge strane, me i nisu baš oduševila, što ne mora značiti da neće i vas.

Naziv ruža odgovara samom proizvodu i njegovoj završnici, riječ jeste o mat ruževima, mada ne onim što isušuju usne i ružno se nanose, kakvi znaju biti ovi niskog cjenovnog ranga. Tekstura im je divna, fini su, kremasti, prosto klize po usnama i ostavljaju ujednačenu boju na usnama. Miris nije previše upadljiv i meni ne smeta, apsolutno. Kod ruža mi je bitno i da mi ne zateže usne tokom dana i da ne osjećam nelagodu, a ovaj zasigurno nije takav. Trajnost mu je solidna, izdrži par sati, ali ono što je bitno jeste da boja ravnomjerno spada sa usana, pa ga nije problem ni  popraviti tokom dana. Znate kako može biti ružno kada se ruž neravnomjerno skida, prvo što ružno izgleda na usnama, a drugo što ga morate skinuti skroz da biste ravnomjerno ponovno nanijeli isti. Meni lično su ovo najbolji ruževi od Essence-a do sada.

Na slikama su dvije nijanse ovih ruževa, od ukupno 8 -02 Perfect Match i 07 Purple Power, a namjeravam nabaviti i 06 Kiss me if you can i 08 It's a statement.
Perfect match je nude nijansa koja ima neki ljubičasti podton u sebi i na različitim usnama različito i izgleda. Jako lijepa nijansa i nosiva, koja će pasati uz dosta makeup lookova.
Purple Power je prekrasna ljubičasta koja me baš oduševila. Ne naginjem nešto ka ljubičastim usnama, ali ova mi je divno, a i ne stoji mi loše, moram priznati :-) Nije ni previše topla ni hladna, baš mi je savršena berry nijansa po mom ukusu. Možda zato što ima i dosta crvene u sebi.

I pakovanje im je simpatično, mat plastika u nijansi ruža, što je fin detalj, a i olakšava pronalaženje ruža u moru ostalih :-)
Koštaju 4,85 što je presmiješno... Obavezno ih pogledajte ukoliko kojim slučajem niste do sada. Predobri su za tu cijenu...

XOXO

* Proizvod ustupljen u svrhu recenziranja